Ковачевски: Пораките на САД се јасни и да се сфатат сериозно, Македонија да го продолжи европскиот пат

Ако не го продолжиме европскиот пат и не ги направиме следните чекори, евроинтеграциите ќе бидат доведени во ризик, повторно ќе се најдеме во состојба на стагнација како онаа што ја имавме десет години од 2006 до 2016, и тоа не смееме да го дозволиме, рече попладнево од собраниска говорница премиерот Димитар Ковачевски.

– Македонија ќе оди напред и ние ќе ја исполниме нашата стратешка цел – полноправно членство во ЕУ до 2030 година – порача тој.

Ковачевски потенцира пораките од САД да се сфатат сериозно зашто, според него, овој наш најголем стратешки партнер ќе продолжи да ја поддржува земјава во носењето храбри и мудри одлуки на патот кон ЕУ.

Според него, пријателството со САД е голема гаранција за стабилноста на нашата држава, но и на регионот.

– Пораката од САД е многу јасна, а тоа го потврди денеска и сенаторот Крис Марфи, дека сите политички партии треба да го поддржат европскиот пат како единствен стратешки пат на Македонија која по НАТО, треба да стане членка и на ЕУ. САД ќе ни помогнат на секој чекор понатаму за да ги исполниме обврските од преговарачката рамка и да ги продолжиме преговорите со ЕУ – рече премиерот.

Share on Facebook

Tweet

Follow us

Save