Вучевиќ: Ситуацијата во Косово може да експлодира во секој момент

Ситуацијата во Косово утрово е мирна, навидум мирна, бидејќи може да експлодира во секој момент, бидејќи тензијата е максимална, особено кај Србите на кои им се закануваат најновите терористички акти на режимот на Албин Курти, изјави министерот за одбрана на Република Србија, Милош Вучевиќ.

Тој посочи дека очекува порешителна акција на КФОР за заштита на Србите во Косово.
„Важно е Србите да успеат мирно да го изразат своето противење на она што им се случува, особено во четирите општини на север, без дополнителна ескалација. Курти работи на етничко чистење на Косово од Срби и тоа е неговата главна агенда. Ова е форма на притисок врз Србите на Косово и Метохија, на кои им велат дека не можат да останат на север“, рече Вучевиќ во гостувањето на ТВ Прва.

Тој рече дека целта е Србија да биде вовлечена во конфликтот, каде што ќе биде прикажана како агресор и дека мора да бидеме политички мудри, внимателни и да ги браниме Србите на Косово и Метохија.
Осврнувајќи се на изјавата на министерот за надворешни работи, Ивица Дачиќ, дека српската армија не се подготвува да интервенира во Косово, туку да биде подготвена „на сите сценарија“, Вучевиќ рече дека Србија нема да дозволи никој да ги премине црвените линии, т.е. дека нема да дозволи повторување на „Бура“, „Блесок“ или 17 март 2004 година.

„Армијата ќе биде во позиција да може да ја изврши секоја задача поврзана со безбедноста на Србија и Србите на Косово и Метохија. Ќе можеме да реагираме навремено, со надеж дека нема да мора да реагираме, бидејќи никој не е во војна. Но, ако гледаме како Србите се убиваат на Косово и Метохија, тоа нема да се случи“, нагласи Вучевиќ.
Тој изрази надеж дека факторите од меѓународната заедница, пред се земјите од Квинт, ќе бидат поуспешни во притисокот и осудата на Курти.

Одговарајќи на прашањето дали КФОР може да ги заштити Србите на Косово и Метохија, тој рече дека началникот на Генералштабот на војската на Србија, генерал Милан Мојсиловиќ, неколку пати дневно е во контакт со командантот на КФОР, дека тоа се разговори кои треба да звучи добро, но се гледа и дека се не зависи од него, туку дека има и политика која го одредува делувањето на теренот.
„Командантот на КФОР има своја автономија, но ги следи и политичките контексти. Очекувам поодлучна акција на КФОР во заштитата на Србите“, рече министерот за одбрана.

Тој како посебен проблем наведе дека Курти секој пат ја поместува линијата на насилство и терор кон Србите и дека сака да ги турне Србите и Србија во агол, каде што нема дипломатско-политички излез, што води до директна конфронтација што не е добро за никого.
Кога станува збор за ставот на Србите од северот на покраината, кои бараат прекин на дијалогот со Приштина додека Курти не ги повлече специјалците и градоначалниците, Вучевиќ рече дека ја разбира нивната позиција.

Share on Facebook

Tweet

Follow us

Save