Марфи: Македонија е голем пријател на САД и е земја кон која прво се обраќаме кога ни е потребна помош
Македонија е голем пријател на САД и е земја кон која прво се обраќаме кога ни е потребна помош, ние сме партнери во борбата за заштита на суверенитетот на Украина и треба да се осигураме дека Русија ќе ја плати цената за бруталната агресија таму, рече американскиот сенатор Крис Марфи во гостувањето во ТВ Сител.
-Партнери сме во поддршката кон нашите сојузници од Авганистан. Ние сме и економски партнери зашто се повеќе компании од САД доаѓаат во Македонија за разлика од било кога претходно, а сега сме официјално и безбедносни партнери, рече Марфи.
Тој додаде дека сега Македонија има директна безбедносна гаранција од САД.
-Следниот чекор е јасен, а тоа е Македонија да се приклучи во Европската Унија. Ова е поважно од било кога зашто Русија се заканува на Европа и САД, а Кина делува се поагресивно насекаде низ светот. Односите Европа-САД се највитални досега. Така што, ако сте партнер на САД од Европа, мора да бидете дел од Европската Унија сега. Ова е најважно во моментов, истакна сенаторот од САД.
Тој додаде дека тука е за да се осигури дека САД прават се што е можно за да и помогнат на Македонија кон ЕУ и да ги охрабри лидерите да направат тежок избор, кој е неопходен со цел да се стигне до ЕУ.
-Знам дека има дилеми дали некогаш Македонија ќе влезе во Унијата. Можам да ви кажам дека кризата во Украина е можност, бидејќи ЕУ сега гледа дека е под закана и сака да ја внесе Украина во ЕУ, но не може да ја внесе Украина без да ги внесе земјите од Балканот. Така што, има нова отворена врата и сега е моментот кога Македонија треба да покаже дека е сериозна кон приклучувањето во ЕУ, зашто ако се направи чекор наназад таа врата може да се затвори. Тоа е пораката која ја донесов овде, рече Марфи.
ПОВРЗАНИ ВЕСТИ
Путин: Америка ја сече гранката на која…
Со воведувањето санкции кон Русија, американските власти…
Бугарија е најголема закана за Македонија –…
Балканските земји се сметаат за непријатели, покажува…
Воздухопловните сили на САД распоредија ловци Ф-22…
Воздухопловните сили на САД распоредија неколку стелт-ловци…
Претседателката Сиљановска Давкова ќе ги прими поглаварите…
Претседателката Гордана Сиљановска Давкова денеска ќе ги…
Москва и Вашингтон го осудија атентатот врз…
Рускиот претседател Владимир Путин испрати телеграма до…