Ова е најсериозниот напад врз Москва од Втората светска војна, тврди руски пратеник

Украина го изврши еден од најголемите напади со беспилотни летала врз Москва во вторникот, а руското министерство за одбрана соопшти дека сите дронови биле уништени додека се приближувале до главниот град на Русија. Не се пријавени смртни случаи. Московскиот градоначалник Сергеј Собјанин изјави дека две лица се повредени, од кои едното е хоспитализирано.

Жителите на два станбени блока беа евакуирани, но подоцна вратени.

„Рано утринава, како резултат на напади со беспилотни летала, имаше мала штета на неколку згради“, изјави градоначалникот на Москва Сергеј Собјанин. „Никој не е сериозно повреден“, додаде тој.

Видеото објавено на социјалните мрежи покажува нешто што се чини дека е соборен дрон и облак од чад што се издига над хоризонтот на Москва.

Во последните недели украинските напади стануваат се поинтензивни

Аеродромите во Москва останаа отворени. Руското министерство за одбрана соопшти дека беспилотните летала биле испратени од Киев, но дека сите биле уништени, јавуваат руските агенции. Рускиот пратеник Максим Иванов рече дека тоа е најсериозниот напад врз Москва од нацистичките напади за време на Втората светска војна, велејќи дека ниту еден граѓанин сега не може да избега од она што е „новата реалност“.

„Или ќе го победите непријателот со една тупаница или неизбришливиот срам од кукавичлук, колаборација и предавство ќе го проголта вашето семејство“, рече тој.

Нападите со украински беспилотни летала во Русија се интензивираат во последните недели. „Њујорк тајмс“ објави дека американските разузнавачки агенции веруваат дека Украина стои зад нападот со беспилотни летала врз Кремљ на почетокот на овој месец.

Share on Facebook

Tweet

Follow us

Save