Нивото на водата е зголемено за 10 метри, Русите и Украинците меѓусебно се обвинуваат за гранатирањето на хидроцентралата во Новокахов

Горниот дел на хидроцентралата Кахово е уништен во серија гранатирања извршени од Вооружените сили на Украина, а самата хидроелектрична брана е зачувана, изјави шефот на администрацијата на градскиот округ Новокахов, Владимир Леонтиев.
„Уништувањето на хидроцентралата е катастрофа предизвикана од украинските власти, како и од оние кои управуваат со нив. Марионетски украински режим“, рече Леонтиев во емисијата „Соловјов во живо“.

Според него, нивото на водата, откако бил уништен горниот дел, пораснало за 5 метри, а неколку острови низводно се веќе целосно поплавени.
Леонтиев оцени дека штетите од гранатирањето се сериозни и дека реконструктивните работи ќе бидат слични на реконструкција на хидроцентрала.

„Очигледно е дека не е можен ремонт на хидроцентралата. Верувам дека, како што е изградена во 50-тите години (на минатиот век), по нашата победа ќе биде неопходно повторно да се изгради“, изјави Леонтиев за ТВ „Русија 24“.
Градоначалникот нагласи дека украинските сили продолжуваат со гранатирање на Нова Каховка.

Украинските власти пак негираат дека тие ја гранатирале браната и велат дека тоа е “масло” на Русите.

Нивото на водата во месноста Нова Каховка е зголемено за повеќе од 10 метри, соопшти началникот на градската управа Владимир Леонтиев.
Тој додаде дека властите почнале со евакуација на жителите од населбите на градскиот округ Новокахов лоцирани покрај бреговите на реките Днепар.

Украинскиот претседател Володимир Зеленски ја префрли одговорноста за уништувањето на дел од хидроелектраната Каховски на „руските терористи“.
Тој на својот канал Телеграм објави и дека сите служби се веќе ангажирани и потврди дека е свикана седница на Советот за национална безбедност на Украина.

Share on Facebook

Tweet

Follow us

Save