НЕМА СМИСЛА ДА ВОВЕДУВАМЕ ВОЕНА СОСТОЈБА НА ЦЕЛА РУСИЈА: Ќе има ли нова мобилизација?

Не е неопходно да се воведе воена состојба на целата територија на Русија, но потребно е повнимателно да се работи на некои прашања, изјави рускиот претседател Владимир Путин на средба со руските воени дописници, пренесуваат руските медиуми.

Според него, „нема смисла да се воведува посебен режим или воена состојба во целата земја“.

– Нема таква неопходност денес. Но, треба да работиме повнимателно на некои прашања – рече тој.

– Министерството за одбрана известува дека во моментов нема потреба од мобилизација, се разбира. Некои од нашите јавни личности велат дека има итна потреба да се мобилизираат уште еден или два милиони луѓе. Зависи што сакаме. Зависи од целта – изјави Путин на средбата со руските воени дописници.

Тој нагласи дека од јануари досега во руската армија со договор се ангажирани над 150 илјади војници, а во изминатата недела договори потпишале 9.500 лица.

Share on Facebook

Tweet

Follow us

Save