Добро утро со Инфомакс: Идеалот на Македонецот е создавање на една Татковина, одделна македонска држава, со македонска нација, со своја историја и со свој самостоен политички и културен живот

На денешен ден во 1882 година е роден големиот македонски револуционер, ѓемиџијата, солунскиот атентатор и првиот министер за правосудство во повоена Македонија, Павел Шатев.

Добро утро Македонци, денеска ви издвојуваме една мисла на Павел Шатев за идеалот на Македонците за создавање на самостојна држава:

-Да се создаде едно самостојно политичко постоење како единствен македонски народ, слободно да се развива во културно-просветна смисла, да соработува во политички и економски однос со сите други народи во балканските држави, беше заветуван сон, фантазија за секој Македонец. И сега, смело можеме да изјавиме, сметајќи дека го изразуваме мислењето скоро на сите Македонци, дека нема поголемо морално задоволство за Македонците од тоа, македонскиот народ да биде во неразделни културни, политички и еконеомски врски со народите на балканските држави, но истовремено е јасно и за последниот Македонец, за да може македонското население правилно да се развива културно, политички и социјално, потребно е Македонија да се одвои во оделна политичка единица, во оделна држава… Идеалот на Македонецот е создавање на една Татковина, оделна македонска држава, со македонска нација, со своја историја и со свој самостоен политички и културен живот…

Во чест на Павел Шатев денеска Академијата за судии и јавни одбвинители го носи неговото име.

Share on Facebook

Tweet

Follow us

Save