„Вечното дерби“ уште во првата фаза од ракометната Суперлига!

Познати се групите за новата сезона од ракометната Суперлига, ждрепката ги спои најголемите ривали Вардар и Пелистер.

Ракометната федерација на Македонија (РФМ) ги извлече групите за новата сезона која ќе се игра по системот од претходната година, во две групи со по осум екипи.

За разлика од минатата сезона, Вардар не беше меѓу двата носители, Пелистер и Алкалоид беа прворангираните екипи, црвено-црните се паднаа во групата со битолчани.

Група А: Струга (1), МРК Куманово (2), ГРК Тиквеш (3), Скопје 2020 (4), Алкалоид (5), Еурофарм Пелистер 2 (6), Аеродром (7), ГРК Охрид (8)

Група Б: Пролет 62 (1), Прилеп (2) Вардар 1961 (3), РК Мулти Есенс (4), Голден Арт (5), Еурофарм Пелистер (6), Бутел Скопје (7), Вардар Неготино (8)

Првенството се очекува да стартува на почетокот од септември, а како увертира на тоа Пелистер како шампион и Вардар како освојувач на Купот на Македонија, треба да се борат за трофејот од Суперкупот во еден меч, теренот дополнително ќе биде одреден.

Share on Facebook

Tweet

Follow us

Save