Столтенберг: Да не се избрзуваат преговори меѓу Русија и Украина

Генералниот секретар на НАТО Јенс Столтенберг изјави дека мировните преговори меѓу Украина и Русија не треба да се избрзуваат, доколку тоа значи дека Москва ги диктира условите за мир. Откако јужноафриканскиот претседател Кирил Рамафоса оваа недела во Киев изјави дека „мирот треба да се постигне преку дипломатија, што е можно поскоро“, тој се согласи, но не по секоја цена.

– Сите сакаме оваа војна да заврши. Но, за мирот да биде одржлив, мора да има правда. Мирот не значи замрзнување на конфликтот и прифаќање на договорот што го диктира Русија – изјави Столтенберг за германскиот весник „Велт ам Зонтаг“ и додаде дека „само Украина“ може да определи кои услови се прифатливи.

– Треба да се погрижиме, кога ќе заврши оваа војна, да има кредибилни договори кои ја гарантираат безбедноста на Украина, за да не може Русија повторно да нападне, што би го прекинало кругот на руска агресија. Бидејќи Украина може да ослободи повеќе окупирани територии, ќе има подобри карти на преговарачката маса во смисла на постигнување праведен и траен мир – рече тој.

Share on Facebook

Tweet

Follow us

Save