Инфузијата не била причина за смртта на петгодишната Јана

Според извештајот на скопска судска медицина инфузијата не била причина за смртта на петгодишната Јана, вели за Канал 5 адвокатот на нејзините родители Јанаки Митровски кој како полномошник ја добил и направил увид во документацијата.

Во извештајот стои дека причина за смртта е срцев удар, како резултат на пневмонија што го зафатила срцевиот мускул. Лекарите од судска медицина навеле и рана фаза на дијабетес кај девојчето, но не го вклучуваат во причинско-последична врска, вели Митровски, кој смета дека во постапките има неколку недоследности.

Кај лекарите, во извештаите, не е најден пропуст со терапијата, нивниот заклучок е дека Јана била донесена во многу тешка состојба, што е спротивно на тврдењата на родителите, вели Митровски.

Митровски, како претставник на родителите предложил да се вештачи и комјутерот во болницата за да се утврди дали се менувале податоци.

Во меѓувреме, од Обвинителството за Канал 5 велат дека се уште не е донесена одлука за евентуална кривична одговорност, а Стојче и Кристина Христовски кои пред околу три месеци го загубија своето чедо во телефонски разговор за Канал 5 кажаа оти се надеваат дека ќе се утврди лекарска грешка, за како што велат, никој да не ја доживее нивната судбина.

Share on Facebook

Tweet

Follow us

Save