INFOMAX.MK

Македонската фудбалска репрезентација после двата јунски порази од Украина во Скопје со 2-3 и историската бламажа пред два дена со Англија (0-7) ќе назадува за четири позиции на рангирањето на Светската фудбалска федерација (ФИФА), покажуваат првите пресметки на специјализираните страници за ранкинг.

Црвено-жолтите после двата порази загубија 12,5 рејтинг-поени, па на јулското рангирање на ФИФА ќе имаат 1.350,56 рејтинг-поени и со назадување за четири позиции ќе бидат пласирани на 69-то место, зад Исланд кој исто така назадува четири позиции и ни бега само два рејтинг поени, а пред Македонија сега се Албанија, Капе Верде и ДР Конго кои ќе напредуваат на листата.

Англија која нѐ сотре и со една нога веќе е на Еуро 2020 сега ќе биде четвртопласирана на светската листа, Италија ќе остане осма, додека Украина по двата триумфи со нас и со Малта ќе напредува дури за шест позиции до 24-то место на рангирањето.

Најслаб пласман на Македонија во последниве три години откако оваа генерација ги направи најголемите успеси во историјата со настап на Еуро 2020 и со мундијалското бараж-финале минатата година е 74-то место од септември и октомври 2021 година.

Извор: sport1.mk