Вагнер е на 500 километри од Москва: Руската авијација “удри” на “одметниците”

Борците на платеничката група „Вагнер“ ја презедоа контролата над сите воени објекти и во рускиот град Воронеж, кој се  наоѓа на околу 500 километри јужно од Москва, јавуваат медиумите.

Шефот на групата „Вагнер“, Евгениј Пригожин, претходно објави  дека неговите единици ја презеле контролата врз градот Ростов на Дон. Пригожин соопшти дека силите на „Вагнер“ ќе продолжат да го блокираат градот и ќе се движат кон Москва, освен доколку  началниците на одбраната Сергеј Шојгу и Валери Герасимов не дојдат да го пречекаат.

Неофицијално, според информациите на неколку Телеграм канали, руската звијација ги напаѓа “одметниците”.

Во своето обраќање до нацијата, рускиот претседател Владимир Путин рече дека потегот на паравоениот лидер Евгениј Пригожин е „криминална авантуристичка кампања и предавство“ и дека Русија ќе се брани.

Ова е еквивалентно на вооружен бунт. Се бориме за животот и безбедноста на нашите граѓани и за нашиот територијален интегритет. Ова е предавство, рече Путин во обраќањето до јавноста.

Share on Facebook

Tweet

Follow us

Save