(АУДИО) ПОЧНАА „БОМБИТЕ“ ВО СРБИЈА – АЈДЕ ПРАШАЈ МЕ КАКО ЈА КОМЕНТИРАМ СИТУАЦИЈАТА ВО МАКЕДОНИЈА! Вучиќ си нарачува прашање од истакната српска новинарка

Јутјуб каналот „Еколошко востание“ вчера објави аудио-снимка од 2017 година на која се слуша како српскиот претседател Александар Вучиќ на новинарка ѝ нарачува прашање за ситуацијата во Македонија.

„Ќе ме прашаш како ја коментирам ситуацијата во Македонија“ – ѝ вели Вучиќ на новинарката Бранка Ѓукиќ, поранешна директорка на Танјуг.

Таа беспоговорно го поставува прашањето, онака како што се бара од неа, но потоа следи молк.

По извесно време Вучиќ ѝ дава ново „проширено“ прашање: „Како ја коментирате ситуацијата во Македонија и која е вашата порака за граѓаните на Македонија“.

По ова, новинарката се вклучува повторно и го поставува новинарското прашање онака како што ѝ е нарачано, на што Вучиќ „спремно“ одговара.

Новинарката Бранка Ѓукиќ подоцна стана советничка во кабинетот на претседателот на Република Србија.

Според изјавите на Вучиќ, нарачката се случува во момент на заладени односи меѓу Македонија и Србија, кога по т.н. „Крвав четврток“, во македонската јавност се појавија обвинувања и шпекулации за улогата на Србија, односно нејзини дипломати и разузнавачи, во настаните во македонското Собрание.

Share on Facebook

Tweet

Follow us

Save