Косово, Украина и Босна треба да бидат следните членки на НАТО, смета Османи
Претседателката на Косово, Вјоса Османи ја поздрави поддршката што ја даде претседателот на Турција, Реџеп Таип Ердоган за зачленување на Шведска во Северноатлантската алијанса.
По синоќешната изјава на генералниот секретар на НАТО, Јенс Столтенберг, дека Ердоган се согласил да ја поддржи Шведска за членство во Алијансата, Османи на својата официјална страница на Твитер напиша дека НАТО сега треба да им ја отвори вратата и на Косово, Украина и Босна и Херцеговина.
-Извонредна вест. Редот е за Косово, Украина и Босна и Херцеговина во НАТО, за едно побезбедно и постабилно НАТО и побезбедна и постабилна Европа, напиша Османи.
Шефот на НАТО, Столтенберг вчера во литванската престолнина Вилнус, каде што денеска и утре ќе се одржи самитот на НАТО, рече дека претседателот Ердоган му најавил оти барањето на Шведска за членство во Алијансата ќе го пренесе на Парламентот на Турција и дека тоа ќе биде ратификувано.
ПОВРЗАНИ ВЕСТИ
Украинската армија доби нов командант
Украинскиот претседател Володимир Зеленски денес го назначи…
Русија и Украина повторно разменија заробеници
Нова група руски војници е вратена од…
Украина дозволи двојно државјанство за справување со…
Парламентот на Украина денес усвои нов закон…
Калас: Русија денес нема шанси против ЕУ…
Русија годинава издвои повеќе за војската отколку…
Канада ќе обезбеди воена помош за Украина…
Канада објави нов пакет одбранбена помош за…