(Видео) Хаос во косовскиот парламент: Курти за малку не беше претепан!

На денешната седница на косовското Собрание, во моментот кога од говорницата говореше косовскиот премиер Аљбин Курти, дојде до тепачка меѓу претставници на владејачката партија и опозицијата.

Додека Курти зборуваше за планот за деескалација на Северот, во еден момент му пришол пратеникот на ПДК Мергим Љуштак и го полил со вода.

Имаше општа препукување меѓу пратениците, оние кои дојдоа во одбрана на Курти и оние кои дојдоа на другата страна.

На кратко видео од директниот пренос се гледа општа метеж во Собранието, а се слуша и кршење на стакло.

Во општиот метеж се најдоа и косовската министерка за правда Аљбуљена Хаџију и министерот за финансии Хекуран Мурати.

Се слушна и дека претседателот на косовското Собрание Гљаук Коњуфца повикал полиција.

Директниот пренос од оваа седница потоа беше прекинат.

Share on Facebook

Tweet

Follow us

Save