Бајден за претседателската кампања собра 72 милиони долари

Американскиот претседател Џо Бајден и Демократскиот национален комитет собраа повеќе од 72 милиони долари за неговата кандидатура за реизбор во првите 10 недели откако ја објави својата кандидатура за претседателските избори следната година. Ова е голема сума, но сепак не е рекорд за актуелниот претседател, пишуваат американските медиуми.

Парите беа собрани од 25 април, кога Бајден ја објави својата кандидатура, до крајот на јуни.

За споредба, поранешниот претседател Барак Обама собра 85,6 милиони долари во текот на кварталот од април до јуни 2011 година, кога ја започна својата кампања за втор мандат, иако ја објави својата кандидатура три недели порано од Бајден.

За време на последната кампања Бајден собра повеќе од една милијарда долари во донации. Анкетите покажуваат дека демократите би сакале да бидат претставени од друг кандидат, но во партијата нема консензус за алтернатива.

Share on Facebook

Tweet

Follow us

Save