Гутереш остро ги осуди повторените руски напади врз пристаништето Одеса

Генералниот секретар на ОН, Антонио Гутереш денеска остро ги осуди повторените руски напади врз пристаништето Одеса и други украински градови на Црното Море.

Тој пред светската организација изјави дека нападите се „спротивни“ на обврските што Русија ги презеде со ОН во меморандумот за разбирање.

Украина соопшти дека во нападите биле уништени 60.000 тони жито складирано на брегот на Црното Море. Обединетите нации, исто така, го критикуваа руското суспендирање на договорот за украинскиот извоз на жито од Црното Море, велејќи дека тоа веќе има негативно влијание врз глобалните цени на пченицата и пченката.

Во тој документ, кој е потпишан од Русија, се наведува дека „Руската Федерација ќе овозможи непречен извоз на храна, сончогледово масло и ѓубрива од пристаништата на Црното Море под контрола на Украина“. „Тоа влијае на сите, но особено на ранливите луѓе на глобалниот југ“, рече Гутереш. Советот за безбедност на ОН треба да расправа за привремено завршување на договорот за жито утре на посебна седница.

Share on Facebook

Tweet

Follow us

Save