Орбан вели дека Кина ја престигнала Америка: Можен е голем конфликт?

Светот се соочува со најголемата прераспределба на моќта во последните неколку децении, а САД ќе ја загубат својата водечка позиција пред Кина.

Ова го изјави унгарскиот премиер Виктор Орбан, но предупреди и дека тоа може да доведе до голем конфликт меѓу Вашингтон и Пекинг доколку САД не прифатат дека тие нема да бидат засекогаш „победници“.

– Кина стана производствена сила и ја престигна Америка – изјави Орбан во романскиот град Бајиле Тушнад.

Тој додаде дека индустриската револуција траела само три децении во таа азиска сила, а околу три века на Запад и дека Америка мора да се збогува со статусот на единствената велесила во светот.

Освен тоа, Пекинг ги оспорува вредностите кои Вашингтон сака да ги претстави како универзални, ги смета за непријателска идеологија, а во кое има вистина, оцени Орбан.

Според мислењето на унгарскиот премиер, ваквиот развој на настаните секако не им одговара на САД, кои настојуваат засекогаш да останат „на врвот на светот“, додека обидите да ја оспорат својата хегемонија доведоа до големи конфликти во историјата.

– Нема вечни победници и вечни губитници – истакна тој.

Орбан, исто така, смета дека конфликтот меѓу овие две големи сили е веројатен, но не и неизбежен.

– Светот мора да најде нова рамнотежа, а двете спротивставени страни да се препознаат како рамноправни. Големите нации мора да прифатат дека денес наместо американска доминација, на небото има две сонца – заклучи Орбан.

Share on Facebook

Tweet

Follow us

Save