Путин и Лукашенко повторно во црква

Претседателите на Русија и Белорусија, Владимир Путин и Александар Лукашенко, го посетија островот Валаам.

Оваа прошетка беше продолжение на нивната дводневна средба, која започна во неделата со преговори во палатата Константиновски во Стрлна. По официјалниот дел од средбата, лидерите ги посветија следните неколку часа од неделата на патување во Кронштат, каде што ја посетија поморската катедрала и разговараа со луѓето што шетаат околу плоштадот во близина на храмот, а ја разгледаа и изложбата на Музејот на поморската слава, кој ќе биде отворен на Денот на морнарицата на 30 јули.

Путин последен пат го посети Валаам во јули 2019 година, исто така во друштво на Лукашенко. Потоа го посетија ставропигијалниот манастир Спасо-Преображенски Валаам.

Претседателите на Русија и Белорусија овојпат патувањето го започнаа со посета на катедралата Преображение, која е дел од архитектонскиот комплекс на манастирот. Тие запалија свеќи и разговараа со парохијаните.

Share on Facebook

Tweet

Follow us

Save