Официјално: Загинаа двајцата пилоти чиј канадер се урна при гаснење на пожарите во Грција

Воздухопловните сили на Грција потврдија дека двајцата пилоти исчезнати по падот на нивниот противпожарен авион во јужна Евија се мртви.

Во соопштението, воздухопловните сили на Генералштабот ги именуваа двајцата офицери како капетан Христос Мулас (34) и неговиот копилот, втор поручник Периклис Стефанидис (27).

Оддавајќи им почит на двајцата пилоти, претседателката Катерина Сакеларопулу рече: „Нашето чувство на благодарност е огромно и нашата тага за нивната загуба е длабока“.

Премиерот Киријакос Мицотакис рече: „Денес Грците тагуваат за трагичната загуба на нашите пилоти, Христос Мулас и Периклис Стефанидис, во Евија. Тие ги дадоа своите животи спасувајќи животи; докажувајќи колку се ризични нивните секојдневни мисии за гасење пожари. Но, исто така, колку е голема самопожртвуваноста на борците од првата линија“.

„Државата со почит стои на страната на семејствата на двајцата херои. Тие се две деца, двајца браќа од сите нас. Зборовите не се доволни за да се опише националната жалост за нивната загуба. Значи, стискаме заби и го претвораме молкот во сила. Во нивниот спомен, ние ќе ја продолжиме војната против деструктивните сили на природата“.

Прогласувајќи тридневна жалост во вооружените сили, министерот за одбрана Никос Дендиас рече: „Длабоко е тажна загубата на животите на офицерите на воздухопловните сили и операторите на противпожарни авиони за време на должноста и при обидот да се заштитат животите и имотот на граѓаните, како и животната средина на нашата земја. Нашите мисли се со нивните семејства и колеги, на кои им изразуваме најискрено сочувство“, рече Дендиас.

Елпидофорос, архиепископ на Грчката православна архиепископија на Америка, рече: „Нашите срца болат од падот на грчкиот противпожарен авион. Го молиме Бога да им даде мирен одмор на душите на пилотите и храброст на нивните најблиски. Нашите молитви се упатени до пожарникарите кои ја продолжуваат својата беспоштедна борба против шумските пожари во Грција.

Исто така, оддаде почит и францускиот претседател Емануел Макрон, кој рече дека неговите „мисли се со семејствата на екипажот, нивните најблиски и грчкиот народ. Нашата поддршка оди за хероите кои, во Грција, Франција и секаде на друго место, секое лето ги ризикуваат своите животи за да ги изгаснат пожарите“.

Претходно, воздухопловните сили соопштија: „Во 15:05 часот, авион CL-215, со екипаж од двајца воздухопловци, од 355-та тактичка транспортна ескадрила на 112-то борбено крило, се урна за време на воздушни гаснење пожари во Платанистос, Евија“.

Платанистос се наоѓа на околу 10 километри источно од Каристос, на југ од островот.

Државната телевизија ЕРТ прикажа снимка од авионот како испушта вода над пожар, удира во дрво пред да се урне во провалија и да се запали.