Бугарскиот европратеник Ковачев со остри критики за инцидентот со навивачите во Скопје

Бугарскиот европратеник Андреј Ковачев го коментираше нападот врз бугарските фудбалски навивачи во Скопје и оцени дека ова е дел од низата „антибугарски манифестации во Македонија и целата атмосфера што ја создаваат политичарите, медиумите, академската елита за несакање кон Бугарија и Бугарите”, која според него се пренесува во сферата на спортот и во сферата на уметноста, јави бТВ.

„Бугарија во последните години многупати посегна по пријателство и добрососедство. Го потпишавме договорот кој не се спроведува. Овозможивме брза интеграција на РСМ, од друга страна се држат до идеологијата на Титовска Југославија. Има неказнивост за јазикот на омразата кон Бугарите“, рече Ковачев.

Share on Facebook

Tweet

Follow us

Save