Алжир поднесе барање за членство во БРИКС, Кина ќе инвестира 36 милијарди долари за развивање на индустријата и инфраструктурата во земјата!

Алжир поднесе барање за приклучување кон БРИКС и поднесе барање да стане акционер-членка на банката БРИКС со сума од 1,5 милијарди долари, изјави алжирскиот претседател Абделмаџид Тебун, цитиран од телевизијата Енахар.

Се додава дека Тебун на крајот од неговата посета на Кина рекол дека Алжир се обидел да се приклучи на БРИКС за да отвори нови економски можности.

Оваа северноафриканска земја е богата со ресурси на нафта и гас и се обидува да ја диверзифицира својата економија и да го зајакне партнерството со земји како Кина.

Групата на нации БРИКС ја сочинуваат Бразил, Русија, Индија, Кина и Јужна Африка. Сочинуваат повеќе од 40% од светското население и околу 26% од глобалната економија.

„Официјално аплициравме за приклучување кон групата БРИКС, испративме писмо во кое бараме да бидеме акционерски членови во банката… Првиот придонес на Алжир во банката ќе биде 1,5 милијарди долари“, рече Тебун, цитиран од Енахар.

Повеќе од 40 земји изразија заинтересираност за приклучување кон групата на нации БРИКС, изјави оваа недела највисокиот дипломат на Јужна Африка задолжен за односите со блокот.

Аргентина, Иран, Саудиска Арабија, Обединетите Арапски Емирати, Куба, Демократска Република Конго, Коморите, Габон и Казахстан се меѓу земјите што изразија интерес.

Кина ќе инвестира 36 милијарди долари во Алжир низ секторите, вклучително и производството, новата технологија, економијата на знаење, транспортот и земјоделството, цитираа локалните медиуми Тебуне оваа недела.

Share on Facebook

Tweet

Follow us

Save