Војната во Украина најмногу штети направи во Европа

Војната во Украина најмногу штети (надвор од завојуваните страни) направи во Европа која ги затвори пристапите до ефтини енергенси од Русија, ебвропските фирми го напуштија рускиот пазар на кој доминираа, а Европската унија плаќа големи износи за помош на украинската армија и адмиснистрација.

Како последица на сето тоа, практично во сите европски земји куповната моќ од месец во месец се намалува. Се почести се протестите и демонстрациите како последица на лошите услови за живот и работа. На сите избори во ЕУ одржани по започнување на војната во Украина левичарските влади кои се најактивни како логистика во украинската војна губат на изборите.

Економијата на САД сега е поголема од економиите на ЕУ и Обединетото Кралство заедно, со 25 трилиони долари наспроти 19,8 трилиони долари – што е пресврт од само 15 години порано, кога економијата на Европа беше поголема за 1,5 трилиони долари.

И тоа е тренд кој се чини дека расте. Економијата на САД има ниска невработеност и продолжува да расте. Во меѓувреме, расположението во Европа е мрачно, при што Германија гледа надолу кон рецесијата и сè уште се бори со инфлацијата. И тоа расположение следи со вознемиреноста на европските креатори на политики, кои се лулаат од страв дека Соединетите држави не се доволно посветени на борбата во Украина, до гнев поради нивната некоординација за економските прашања, почнувајќи од Кина до климатската политика, пишува Форин полиси.

Во извештајот на Европскиот центар за меѓународна политичка економија, се наведува дека просечната земја на Европската унија е посиромашна од секоја американска држава, освен Ајдахо и Мисисипи.

Доколку овие трендови продолжат, до 2035 година економскиот јаз и разликите во социјалното богатство по глава на жител меѓу САД и ЕУ ќе бидат исто толку големи како оние меѓу Јапонија и Еквадор денес.

Share on Facebook

Tweet

Follow us

Save