Виена и натаму е најдобар град за живеење во светот

Виена и натаму е најдобар град за живеење во светот, додека Белград е на листата на градови чии резултати најмногу се подобриле во 2022 година, покажува EIU, индексот на британскиот весник „Економист“.

Според овој индекс, австриската престолнина има 98,4 поени од можни 100 поени, додека на второ место е Копенхаген, а потоа следуваат Цирих, Женева и Хелсинки.

На листата на европски градови каде е постигнат најголем напредок, покрај Белград, се Букурешт, Братислава, Варшава и Штутгарт.

Главниот град на Србија постигнал подобрување од 4,6 поени во 2022 година.

Од друга страна, Единбург, главниот град на Шкотска, паднал за 23 места на листата на светски градови, повеќе од кој било друг град.

Истовремено, врз основа на индексот EIU, пад на квалитетот на животот е забележан во Лондон, кој паднал за 12 места.

На дното на листата на европски градови е Киев, „што е последица на руската агресија врз Украина“, наведува „Економист“.

Share on Facebook

Tweet

Follow us

Save