(Видео) Големо невреме ја опустоши Словенија: Порој однесе автомобил во кој има жена!

Големо невреме ја опустоши Словенија. Поплавени се бројни места, а ширум земјата одекнаа сирени кои предупредуваат за опасност. Стотици пожарникари и членови на други служби за итни случаи се на терен.

Во градот Пољана патот бил поплавен, а поројот бил толку силен што во еден момент однел автомобил во кој се наоѓала жена.

„Фала му на Бога, ја спасивме госпоѓата од автомобилот. Госпоѓата е безбедна, многу е среќна што го преживеа овој хорор“, изјавил еден од спасувачите, Јасмин Бајректаревич, за порталот „Корошка Чвека“, додавајќи дека, за среќа, во близина имало двајца алпинисти кои имале опрема, пренесува Н1.

„Мислам дека сите бевме во шок. Госпоѓата викаше за помош од автомобилот, а ние брзо постапивме бидејќи сфативме дека пожарникарите не можат да стигнат до нас“, додаде тој.

ЛИНК од видеото

Share on Facebook

Tweet

Follow us

Save