INFOMAX.MK

Во хулиганска тепачка во Атина меѓу фановите на АЕК и Динамо Загреб загина 22-годишно момче, а сега се појавија информации од грчките медиуми дека и 12-годишно девојче било каменувано.

Нема повеќе информации за нејзината состојба, освен дека е хоспитализирана со тешки повреди на главата, како и десетици повредени навивачи во крвавиот судир за кој зборува цела Европа.

Навивачите на Динамо од Загреб отпатуваа во Грција и покрај забраната од УЕФА. Тие дошле во населбата Неа Филаделфија со јасна намера да направат инциденти.

Првичните информации говорат дека усмртениот навивач на АЕК имал повеќе убодни рани нанесени со нож.

Веднаш бил пренесен во болница, но ниту сите напори на лекарите не биле доволни да го одржат во живот.

Според информациите на грчкиот портал „Прототема“, ранети се уште осум лица, тројца Грци и пет Хрвати, а меѓу повредените има и малолетник (17).

Досега се уапсени 96 лица, а сите се во зградата на Генералната полициска управа во Атина. Уапсени се 87 Хрвати, пет Грци и еден Албанец, Босанец, Германец и Австриец.

Целиот хаос се случи во делот од градот каде што се наоѓа стадионот на АЕК, а Хрватите со свои автомобили во приватна режија отпатувале до Грција бидејќи организирано им бил забранет влез во земјава.

Во овој момент не се знае дали ќе се одигра самиот натпревар кој е закажан за вечерва од 20.45 часот. Следуваат серија итни состаноци на кои ќе присуствуваат и челниците на УЕФА, по што ќе бидат донесени конкретни одлуки.

07.08.2023, AEK Athens🇬🇷 vs BBB (Dinamo Zagreb🇭🇷), AEK run https://t.co/Fjy3xrlEmQ pic.twitter.com/GFU1DwWCj7

— Hooligans.cz Official (@hooliganscz1999) August 7, 2023

08.08.2023, Street fight, AEK Athens🇬🇷 (from left) vs BBB (Dinamo Zagreb, right🇭🇷) https://t.co/Fjy3xrlEmQ pic.twitter.com/TINYrMUYDP

— Hooligans.cz Official (@hooliganscz1999) August 7, 2023