Уапсен педофил кој на плажата во Неи Пори ги снимал малите деца

Педофил кој фотографирал мали деца на плажа е уапсен вчера на плажата во Неи Пори. Оваа вест ја објави Србинка на социјалните мрежи во групата „Грција во живо“.

– Плажата Неи Пори. Благодарение на спасителот, приведен е педофил кој фотографирал мали деца на плажа. Секоја чест за дечкото за брзата и ефикасна реакција – стои во нејзината објава.

Да потсетиме, српски Курир пренесе и предупредување од страницата „Грчка инфо“ во кое родителите алармираат да не дозволат нивните деца да бидат голи на плажите.

– Децата на плажите најчесто ги снимаат педофилите со своите мобилни телефони. Сепак, тие користат и други уреди. На пример, едноставен клуч од автомобил со мала камера интегрирана во него, рачни часовници со камера, книги. Дури и камерите кои се во рамката на најобичните очила за сонце – изјави пред неколку дена администраторот на групата „Грчка инфо“.

Таа додаде дека предаторите користат и хемиски пенкала со вградени моќни камери кои имаат USB и микро картички.

– Минатото лето во соседна земја беа уапсени двајца странски државјани кои снимале голи деца со камера што ја чувале во фрижидер за на плажа! Тешко е да ги препознаете бидејќи често се мажи (па и жени) кои доаѓаат на плажа со своите семејства, од кои ги кријат своите болни нагони – предупреди таа.

Share on Facebook

Tweet

Follow us

Save