Вистински хорор на Хаваите, расте бројот на загинати – најмногу загинати во шумски пожар во последните 100 години

Бројот на настрадани во шумските пожари кои го зафатија островот Мауи на Хаваите порасна на 93, а стотици лица и понатаму се водат за исчезнати.

Тоа е најголемиот број на настрадани во шумски пожар во последните 100 години.
Спасувачките екипи со кучиња пребараа само три отсто од подрачјето, изјави шефот на полицијата на Мауи Џон Пелетје.

Предупредни дека бројот на настрадани ќе расте и дека никој се уѓте не знае колкав ќе биде.

Најмалку 2.200 објекти се оштетени или уништени во Западен Мауи од кои 86 отсто се станбени.

Штетата низ островот е проценета на околу шест милијарди долари.

Со зголемувањето на бројот на жртвите, не е јасно како мртовечниците ќе примат толкав број жртви имајќи предвид дека постои само една болница и три мртовечници.

Бројот на загинати направи ова да биде најголемата природна катастрофа на Хаваите во историјата, надминувајќи го цунамито во 1960 година, во кое загинаа 61 лице.

Последниот број на загинати ги надминува 85-те луѓе кои загинаа во шумскиот пожар во 2018 година во Парадајс, Калифорнија, што беше највисок од 1918 година кога пожарот во Клокет во Минесота и Висконсин однесе 453 животи.

Додека беше во посета во Лахаина, Грин рече дека државните и федералните агенции работат на помош на преживеаните.

„Нашиот фокус сега е повторно да ги обединиме луѓето каде што можеме, да им обезбедиме домување и здравствена заштита, а потоа да се свртиме кон обнова“, рече тој.

Катастрофата започна нешто по полноќ во вторникот, кога беше пријавен пожар во градот Кула, на околу 56 километри од Лахаина.

Share on Facebook

Tweet

Follow us

Save