Русија бомбардираше украинско пристаниште на Дунав

Гувернерот на регионот Одеса, Олех Кипер изјави дека руските дронови нападнале два пати а главни цели им биле пристаништата и житарките на југот од регионот. Според украинските власти, жртви нема, но уништени се силоси и магацини во кои биле складирани пченица и сончоглед.

„Руските терористи го нападнаа регионот на Одеса синоќа и тоа два пати со дронови. Главна цел им беше пристаништето и житните култури со кои располага Украина во јужниот регион на Одеса“, напиша Кипер на Телеграм.

Украина има две главни пристаништа на реката Дунав – Рени и Измаил, но украинските власти не соопштија кое од овие две е погодено. Овие две пристаниште се од огромна важност за извозот на пченица откако Русија ги блокираше украинските пристаништа на Црното море и се повлече од договорот со кој се дозволуваше извоз на украинска пченица и жито преку морето.

Украинските власти објавија дека во синоќешниот напад уништиле 13 руски дронови над регионот на Одеса и Миколајев.

Share on Facebook

Tweet

Follow us

Save