Албанскиот нарко бос во Британија кој се фалеше дека му ги отсекол прстите на соперникот ќе оди во затвор

Млад Албанец од Тропоја, кого британските медиуми го опишаа како „Ѓавол“ откако скриената камера на DailyMail го снимила како се фали дека му ги отсекол прстите на својот ривал на нарко пазарот, е затворен во Велика Британија.

Албанскиот нарко бос Селамет Мехметај е осуден на четири и пол години затвор откако основал мрежа која одгледувала и дистрибуирала канабис користејќи илегални имигранти, заработувајќи милиони фунти годишно. Истрагите на британските власти против него и братот по име Диор, кој обвинителите го опишаа како негова „десна рака“, започнаа откако беше снимен како се обидува да продаде десетици килограми висококвалитетен канабис на тајните новинари.

Падот на Мехметај започна кога пораката на неговиот Инстаграм профил под името „Албанска крв“ го натера да ги разоткрие сите нарко куќи и објави видео за да ги покаже различните видови канабис што ги поседува. Мехметај живеел како „плејбој“ во Британија, поседувал луксузни автомобили, кои ги користел за да сними спот за негова песна.

Share on Facebook

Tweet

Follow us

Save