САД: Ширењето на БРИКС не е закана, тоа не е антиамериканска организација
САД не гледаат никаква закана од проширувањето на БРИКС и не ја сметаат алијансата за антиамериканска, изјави координаторот за стратешки комуникации на Советот за национална безбедност во Белата куќа, Џон Кирби.
„Ние не го сметаме БРИКС за антиамериканска коалиција или за непријателска организација“, им рече тој на новинарите.
Според Кирби, одлуката за приклучување кон БРИКС е право на секоја земја.
Да потсетиме дека 15-тиот самит на БРИКС се одржа во Јоханесбург од 22 до 24 август. На средбата присуствуваа лидерите на Кина, Индија, Бразил и Јужна Африка, Русија ја претставуваше Лавров. Рускиот претседател Владимир Путин учествуваше на самитот преку видео конференција.
За време на самитот, јужноафриканскиот претседател Сирил Рамафоса објави официјална покана до Аргентина, Египет, Иран, Етиопија, Обединетите Арапски Емирати и Саудиска Арабија да се приклучат на организацијата. Рамафоса рече дека полноправното членство на новите земји на БРИКС ќе започне на 1 јануари 2024 година.
ПОВРЗАНИ ВЕСТИ
Трамп две недели ќе одлучува дали ќе…
Американскиот претседател Доналд Трамп ќе одлучи дали…
Израел очекува одлука на САД за приклучување…
Израел сè уште очекува дека американскиот претседател…
Русија: САД да не се мешаат во…
Русија ги предупредува САД да не се…
Евакуирани дел од американските дипломати во Израел
Двајца американски претставници велат дека владин авион…
Белата куќа испрати меил со сите изјави…
Во услови на тековниот израелско-ирански конфликт, Белата…