ХОРОР БОЛНИЦА ВО СУРДУЛИЦА: Болничкa собa полна со стршлени

Гнездо од стршлени на плафонот и инсекти по целата соба снимени се во болницата во Сурдулица на југот на Србија. Снимките објавени на социјалните мрежи кои покажуваат руинирани болнички соби полни со инсекти во кои престојуваат болните, предизвикаа бурни реакции во јавноста и во медиумите во Србија.

Српските медиуми пренесуваат дека во болницата бил повикан Владица Станковиќ познат како човек што фаќа змии и чисти куќи од опасните гнезда на стршлени. Тој овој пат интервенирал во болницата во Сурдулица и ги снимил хорор сцените од болничките соби.

Станковиќ ја снимил собата во Оделението за интерна медицина во болницата каде што се вгнездиле стршлените на таванот, а потоа интервенирал и од покривот за да ги отстрани гнездата.

Поради оваа интервенција пациентите морале да бидат преместени од просторијата каде што биле стршлените. Од видеата објавени на социјалните мрежи се гледаат инсекти насекаде низ собата во која лежат болни пациенти.

Share on Facebook

Tweet

Follow us

Save