INFOMAX.MK

Жестока кавга на социјалните мрежи помеѓу директорот на ЦУК, Стојанче Ангелов и новинарот Јанко Илковски откако Ангелов објави фотографија од терен на која гасне пожар со нога.

-Не те заслужуваме, натчовечански напори се ова, напиша новинарот Јанко Илковски.

Батали иронија и сарказам, ти нудам на следниот голем пожар да те земам со мене и одблиску да набљудуваш како додека над глава ни летаат три ер трактори на ДЗС и два-три полициско-армиски хеликоптери, скокањето врз огнот и особено некоја бушава зелена гранка или лопата можат да спречат ширење на нов крак од пожарот, но само ако се наоѓаат во вешти и цврсти раце.

Ти нудам ексклузива да направиш реални снимки од непосредна близина со кои ќе ја засилиме граѓанската свест за опасноста од пожари.

Јас лично ќе те возам, верувај исклучително вешт возач по тешко пристапен терен сум, му одговори генералот, Ангелов.