Шојгу: Русија продолжува со „активна одбрана“ на украинскиот фронт

Рускиот министер за одбрана Сергеј Шојгу во средата изјави дека неговите сили одржуваат „активна одбрана“ соочени со украинската контраофанзива и дека Москва нема друг избор освен да победи.

Шојгу рече дека сега е во тек есенската кампања и во коментарите за новинарот на државната телевизија Росија-1 призна дека ситуацијата на фронтот на некои места е тешка.

„Силите одржуваат активна одбрана на неопходните, суштински фронтови. На некои места е потешко, на други поедноставно“, рече тој.

„Но можам да кажам дека момците и командантот настапуваат самоуверено и сигурно го бранат она што треба да го одбраниме во моментот – оние места, очигледно, каде што украинските вооружени сили се обидуваат да се пробијат“.

Главната задача беше да се исфрли непријателското оружје, рече тој.

Русија контролира речиси една петтина од територијата на Украина по повеќе од 18 месеци војна, но е принудена да се повлече од големите области што ги зазеде при својата првична инвазија во близина на главниот град Киев и на југ и на исток.

Украина во јуни ја почна долгоочекуваната контраофанзива, во која врати повеќе од десетина села, но задачата се искомплицира поради огромните мински полиња и цврсто вкопаните руски сили, вели Ројтерс.

На прашањето дали Русија ќе победи, Шојгу одговори: „Немаме други опции“.

Share on Facebook

Tweet

Follow us

Save