Орлиќ го обвини Курти за настаните во Бањска

Претседателот на српскиот парламент, Владимир Орлиќ изјави дека премиерот на Косово, Албин Курти веднаш побрзал да ги обвини Србите за настаните во Бањска и дека секој сериозен ќе каже дека треба да видиме што точно се случило, а потоа да се коментира.

Еден полицаец е убиен, а друг е ранет во напад врз единица на косовската полиција синоќа на влезот во селото Бањска на северот на Косово, соопшти полицијата во Приштина.

„Ако зборуваме за тоа кој е одговорен за каков било вид насилство – тоа е исклучиво Албин Курти и тоа сите го знаат. И се што направи во претходните месеци со најбруталниот можен терор што го вршеше врз голиот српски народ, го направи токму затоа што сакаше отворена ескалација и затоа што сакаше да доведе до некакво насилство“, истакна Орлиќ.

Тој посочи дека е јасно кој може да биде задоволен доколку дојде до некаков конфликт, особено ако станува збор за човечки жртви.

Share on Facebook

Tweet

Follow us

Save