Дали станува збор за припадници на Вагнер?! Со часови се води престрелка во Бањска, Косово

Во селото Бањска, кај кое синоќа еден полицаец загина, а друг е ранет, денеска продолжува размената на оган. Тие пукаат во нас, пукаме и ние“, ни изјави заменик-командантот на косовската полиција за северниот регион, Ветон Ељшани.

Елшани наведува дека во ова село има луѓе кои поседуваат тешко оружје.

Гледаме вооружени, униформирани луѓе, тешко оружје, пукаат во нас, пукаме ние“, ни рече тој.

Не можеше да ни потврди какви униформи носат овие лица и кои се тие, но ни рече дека користат оклопни возила.

Тврди и дека не дозволуваат граѓаните да излезат од домовите.

Освен што ги повтори претходните наводи на косовската полиција, дека еден полицаец е убиен, а друг повреден, Елишани не можеше да ги потврди неофицијалните наводи дека има и други кои наводно биле ранети или повредени.

Патиштата кои водат кон селото Бањска се блокирани по синоќешната престрелка, а влезовите ги обезбедуваат припадници на специјалните единици на косовската полиција.

Од правец на ова село и во утринските часови повремено можеа да се слушнат рафали.

Заменик директорот на косовската полиција Фехми Хоти на прес-конференција прашан дали напаѓачите се од руската платеничка група Вагнер, рече дека обработуваат информации, но дека нема ништо поткрепено.

„Имаме многу блиска и добра соработка со КИА, ја обработуваме секоја информација што ја добиваме. Исто така, претходно имавме информации за групата Вагнер, дека поединци од оваа група можат да се движат, да се движат или да напаѓаат. Сите се обработени, но досега немаме ништо аргументирано и обработено, дека се членови на оваа група. Го третиравме како информација. Во постојан контакт сме со КФОР за сите дејствија што ги презема полицијата, во постојана координација сме“, рече Хоти.

Share on Facebook

Tweet

Follow us

Save