Путин: Земјите од “златната милијарда” го експлоатираат светот

Современите кредитни односи се организирани на тој начин што им служат исклучиво на интересите на земјите од „златната милијарда“ кои ја злоупотребуваат својата позиција во светот и тоа дефинитивно мора да се разгледа, изјави рускиот претседател Владимир Путин на парламентарната конференција „Русија-Латинска Америка“ во Москва.

„Тие, „златната милијарда“ или поточно лидерите на овие земји од „златна милијарда“ ги експлоатираат практично сите други земји во светот. Тие ја злоупотребуваат својата позиција технолошки, информатички и финансиски“, рече рускиот лидер.
Претседателот оцени дека меѓународните финансиски институции се формирани на таков начин што освен „златната милијарда“ немаат корист никому.

Претседателот го привлече вниманието на фактот дека кредитните обврски се еден вид „данок“ за пазарите во развој.
„Тоа е како некој вид компензација. Не треба да биде така. Затоа сите заедно, со обединети сили треба да ги промениме правилата во оваа меѓународна сфера“, убеден е Путин.
Првата парламентарна конференција „Русија-Латинска Америка“ започна во петокот и ќе трае до понеделник, на која ќе учествуваат претставници на повеќе од половина од латиноамериканските земји.

Share on Facebook

Tweet

Follow us

Save