Милановиќ вети: Хрватска ќе се залага за побрзо членство на Албанија во ЕУ

Хрватскиот претседател Зоран Милановиќ му ветил на албанскиот премиер Еди Рама дека ќе продолжи да се залага за „што е можно побрзо влез на Албанија во Европската унија“, опишувајќи ја земјата како „доверлив сојузник во НАТО подолго време“, пренесува Хина.

Милановиќ денеска оствари средба со албанскиот премиер, кој е во посета на Хрватска, и ја повтори цврстата и континуирана поддршка на Хрватска до Тирана за членство во ЕУ, соопшти кабинетот на хрватскиот претседател.

Милановиќ и Рама разговарале за соработката меѓу Хрватска и Албанија и ги оцениле односите меѓу двете земји како „исклучително пријателски и добри“.

Тема на разговорот беше безбедносната и политичката состојба во Југоисточна Европа, при што беше истакнато дека зачувувањето на мирот и стабилноста во регионот е од голем интерес за двете земји, се наведува во соопштението.

Рама, кој е во официјална посета на Хрватска, претходно беше примен од премиерот Андреј Пленковиќ.

Share on Facebook

Tweet

Follow us

Save