Маж измамен од девојка која ја запознал преку интернет: Му зела капар од 18.000 денари, па тој повикал полиција

Неименуван 39-годишен жител на Клагенфурт во јужна Австрија, неодамна се нашол во центарот на бизарна приказна.

Наводно преку платформи за запознавање контактирал со девојка која му понудила интимна врска за 600 евра. Таа објаснила дека „имала момче“ кое ќе биде во другата соба и ќе гледа што се случува, пренесува Heute.

Главниот лик на приказната се согласил на понудата и минатиот вторник дошол на наведената адреса. Девојката ја отворила вратата и побарала капар од 300 евра.

Но, наместо да го пушти да влезе, таа ја затворила вратата и се заклучила. Човекот толку се налутил што повикал полиција и ги чекал на адресата.

Бидејќи девојката не ја отворила вратата, органите на прогонот побарале дозвола од јавното обвинителство да упаднат во станот и ја добиле. Бравата била скршена, а запрепастените младич и девојка биле однесени во станица. На повредениот му биле вратени 300 евра.

Share on Facebook

Tweet

Follow us

Save