Русите ја „спуштија рампата“ на апликациите од Запад

Руските регулатори планираат да ги блокираат виртуелните приватни мрежи кои нудат пристап до платформите на Мета.

Рускиот федерален надзорник за телекомуникации, информатичка технологија и масовни комуникации Роскомнадзор планира да ги блокира виртуелните приватни мрежи (VPN) од 1 март следната година, изјави руски сенатор од владејачката партија Единствена Русија.

Побарувачката за VPN услуги се зголеми откако Русија го ограничи пристапот до социјалните мрежи во сопственост на западни компании по почетокот на војната во Украина во февруари 2022 година.

„Од 1 март 2024 година, ќе стапи на сила наредбата за блокирање на VPN услугите кои обезбедуваат пристап до сајтови забранети во Русија“, рече Артем Шејкин, цитиран од државната новинска агенција РИА.

Шејкин рече дека е особено важно да се блокира пристапот до Мета платформите, Facebook, Instagram и WhatsApp.

„Би сакал да забележам дека е особено важно да се ограничи пристапот на граѓаните до производите на Мета, која е препознаена како екстремистичка организација“, додаде Шејкин.

Share on Facebook

Tweet

Follow us

Save