Комити го „поплавија” Скопје со плакати – повикуваат на мобилизација за вo недела

По двонеделната пауза, викендов продолжуваат натпреварите во Првата македонска фудбалска лига, а во новото коло, претстои дуелот меѓу локалните ривали Работнички и Вардар.

Натпреварот ќе се игра на стадионот „Борис Трајковски“ во Маџари, формален домаќин е клубот од Дебар Маало, но навивачката група на Вардар, „Комити“ веќе се мобилизира во што поголем број да го бодри својот миленик. Цело Скопје денеска е облепено со плакати со кои се повикуваат фановите в недела во Маџари.

Вардар е последнопласиран на табелата во Прва лига, со само пет бода и неопходна му е победа за да фати приклучок со останатите екипи бидејќи Гостивар и Воска, кои се пред него, имаат двојно повеќе.

Share on Facebook

Tweet

Follow us

Save