INFOMAX.MK

На Плоштадот на Републиката во Белград денеска се одржа протест за поддршка на народот на Палестина, во организација на организацијата „Поддршка на народот на Палестина од Србија“ заедно со палестинската дијаспора во Србија и Друштвото за српско-палестинско пријателство. Амбасадорот на Палестина во Србија Мухамед Ал Намур им порача на присутните дека многу значи поддршка за палестинскиот народ.

„Палестинскиот народ е слободен народ како српскиот народ. Палестина е нашата татковина, таму сме 12.000 години, ние не сме странци, ние сме домородци“, рече Ал Намур. Тој изјави дека 2,5 милиони Палестинци живеат во Газа на 350 квадратни километри. „Тоа е како половина Белград, замислете ја бројката од 2,5 милиони на тој простор. Околу нив е израелската армија, која ја држи границата и ѕид висок девет метри, кој оди и под земја“, истакна Ал Намур.

Тој изјави дека во текот на утрото бил бомбардиран пазар во Појасот Газа каде загинале 29 лица, меѓу кои, според Ал Намур, има жени и деца. „Имаме многу пријатели и роднини во Палестина. Кога ќе фатат интернет, пишуваат „засега сум жив, но по секунда не знам“. Замислете во каква ситуација живеат луѓето, тие немаат засолниште“, рече Ал Намур. Причината за протестот е израелското бомбардирање на цивили и цивилна инфраструктура во Појасот Газа, која вклучува болници, училишта, бегалски кампови на Обединетите нации, станбени згради и конвои камиони кои се користат за транспорт на цивили.

Присутните се собраа на Плоштадот на Републиката за да изразат солидарност со народот на Палестина, со барање да се запре бомбардирањето со кое се оневозможува пристап до снабдување со вода, струја, храна, лекови и други одредби на жителите на Газа