Бајден бара забрана за поседување на јуришно оружје и проверка за луѓето кои сакаат да купат пиштол

Се огласи американскиот претседател Џозеф Бајден во врска со масовното пукање во Мејн велејќи дека нацијата тагува за уште едно бесмислено и трагично масовно пукање. Најмалку 18 лица загинаа, а 13 се ранети во масовното пукање што се случи во градот Левистон во американската сојузна држава Мејн. Ова е најсмртоносното масовно пукање во САД оваа година, пренесува хрватски Индекс. 

Бајден исто така ги повика републиканските законодавци да го забранат оружјето за напад и да воведат универзални проверки за луѓето кои сакаат да купат пиштоли како одговор на напад.

Неговата администрација обезбедува сè што е потребно за поддршка на луѓето во земјата, додаде тој.

„За безброј Американци кои преживеале вооружено насилство и биле трауматизирани од тоа, овој вид на пукање повторно отвора длабоки и болни рани“, вели американскиот претседател.

Во меѓувреме, војската на САД  објави дека осомничениот масовен убиец Ричард Кард е специјалист за снабдување со нафта и резервен наредник од прва класа. Според информациите на војската, тој и се приклучил на армијата во декември 2002 година, а претходно немал нкаков ангажман во армијата. Тој има бил одликуван и наградуван повеќе пати со: медал за достигнување на армијата, медал за армиски резервни достигнувања, медал за хуманитарна служба, медал за национална одбрана и лента за армиска служба, се вели во соопштението на армијата.

Share on Facebook

Tweet

Follow us

Save