Бугарија ќе гради два нуклеарни реактори

Бугарската влада ја одобри изградбата на два нуклеарни реактори во електраната Козлодуј на Дунав, а изградбата ќе ја врши американската компанија Westinghouse.

Владата веќе потпиша договор со шведската подружница на Westinghouse и со француската компанија Framatome, а премиерот Николај Денков наведе дека првиот реактор треба да почне со работа најдоцна за 10 години, а вториот до 2036 година.

Тие известија и дека ќе го зголемат основниот капитал на нуклеарката за до 500 милиони лева, односно 250 милиони долари. Нуклеарната електрана Козлодуј моментално произведува струја во два реактори од руско производство, со капацитет од 1.000 мегавати.

Брисел нареди гаснење на тие реактори поради безбедносни причини непосредно пред влезот на Бугарија во ЕУ во 2007 година. Бугарија произведува речиси 1/3 од вкупната електрична енергија во тие нуклеарки, а околу 1/2 во термоелектрани.

Share on Facebook

Tweet

Follow us

Save