Протести низ Украина. Се бара демобилизација: „Време е другите да се покажат“

Демонстранти се собраа вчера во различни градови низ Украина за да свртат вниманието на воената демобилизација, пишува „Украинска правда“. Медиумите наведуваат дека демонстрантите првенствено бараат од украинската влада да одобри закон за демобилизација по 18 месеци служба.

Исто така, се обидуваат да го свртат вниманието и на петицијата за демобилизација, која веќе има собрано 25.000 потписи потребни за разгледување. Во Киев се одржаа демонстрации на Плоштадот на независноста. Членовите на семејствата на војниците скандираа: „Време е другите да се покажат!“, „Сите се одговорни за победата!“, „И војниците имаат семејства“, „Војната не се добива на рамениците на истиот народ. “, „Демобилизација за армијата“.

Украинските медиуми јавуваат дека мајки и деца од различни делови на земјата пристигнале на плоштадот во Киев. Во Тернопил, Лавов и Запорожје, сопругите, мајките и децата на војниците се собраа во близина на зградите на воените администрации. Демонстрации се одржаа во Криви Рих на плоштадот Квартал 95, во Хмелницки на плоштадот на независноста и во Одеса на плоштадот Дума.

Протести се одржаа и во Черновци и Днепар. Во Ивано-Франковск протестот требаше да се одржи пред зградата на градскиот совет, но откако беа информирани дека зградата е минирана, демонстрантите шетаа низ градот носејќи транспаренти.

Share on Facebook

Tweet

Follow us

Save