Дојдете утре пред училиште, ќе ви покажам како се пука: Ученик во БиХ им се заканувал на другарите

Ученик од Основното училиште „Солина“ во Тузла се заканувал на друг ученик, а во преписката било споменато и употреба на огнено оружје, поради што управата на училиштето веднаш реагирала и ја известила полицијата.

Нивната кореспонденција се појави на социјалните мрежи:

Дојдете утре пред училиште во 11:20 часот, ќе ви покажам како се пука – рекол ученикот.

Директорката на ОУ „Солина“ Белма Смајиќ во саботата го пријавила случајот во полиција, а припадници на полицијата вчера биле во училиштето и разговарале со родителите.

За случајот бил информиран и дежурниот кантонален обвинител.

Полициската управа на Министерството за внатрешни работи на кантонот Тузла, како дел од своите редовни обврски и задачи, спроведува мерки за сузбивање и спречување на малолетничката деликвенција- изјавија од полицијата.

Share on Facebook

Tweet

Follow us

Save