INFOMAX.MK

Милионер има прекрасна визија – да создаде населба во која ќе вдомува лица кои поради различни причини останале без покрив на главата, а потоа да им овозможи да работат во неа.

Откако ја продал својата компанија на конкурентска фирма од САД, Канаѓанецот Марсел Леброн го користи профитот од 4 милиони долари за да создаде мали куќарки за оние кои имаат најголема потреба од стабилен дом и покрив над главата.

„Првото нешто кое секому му е потребно е безбедно, достапно и трајно домување. Нашите мали куќарки се и многу убави. Домувањето е само почеток. Ние исто така градиме заедница, во која заедницата ќе стане лекот“.

„Нашата визија е да видиме како луѓето ги надминуваат ограничувањата и одат кон исполнет и независен живот“. – вели Леброн.

Компанијата на Марсел создава по 1 куќа на секои 4 работни дена со цел да направи затворена населба со 99 домови и еден претприемнички центар. Секоја куќарка во себе содржи кујна, тоалет, спален и дневен простор. На жителите им е овозможен пристап до програми во кои ќе научат како повторно да станат работоспособни и конкурентни на пазарот на трудот со цел да живеат продуктивен живот.

„Ова е многу блиску до местото каде што живеам и го посетив пролетта. Жителите се неверојатно горди со нивните домови и многу добро се грижат за нив. Ова буквално е враќање на човечкото достоинство. Неверојатно“ – стои во коментар на Instagram.

„Повеќе милионери треба да ги поддржат своите заедници, како овој човек“ – напиша друг корисник на социјалната мрежа.

Досега се изградени 75 такви куќи.