Беса Адеми ќе одговара за незаконското работење пред Судскиот совет

Со писмена покана Судскиот совет ја повикал претседателката на Врховниот суд – Беса Адеми за работна средба со членовите на Советот откако Инфомакс денеска пишуваше за политички притисоци врз судиите во највисокиот суд во Република Македонија.

Од Судскиот совет посочуваат дека согласно член 2 од Законот за Судскиот совет имаат обврска да ја обезбедат и да ја гарантира самостојноста и независноста на судската власт, а членот 11 од истиот закон го гарантира слободното судиско одлучување без никакви влијанија и притисоци.

– Во последните неколку дена во медиумите се објавени повеќе написи за политички притисоци врз судиите на Врховниот суд, реакции на политички партии, како и интервјуто на претседателката на овој суд, Беса Адеми, сметаме дека е неопходно да ја информираме јавноста дека евентуалното вршење на притисоци од каков било вид судиите, е недозволиво и крајно загрижувачко – велат од Судскиот совет.

Сашко Герогиев – претседателот на Судскиот совет изутрината телефонски разговарал со Адеми за „ова исклучително важно и сензитивно прашање“., стот во соопштението на Судскиот совет.

Работна средба е закажана за во понеделник на 6 ноември во 11 часот во просториите на Судскиот совет.

Инфомакс претходно пишуваше за можно политичко влијание врз судиите во Врховниот суд преку претседателката Адеми. Делати прочитајте во текстот во продолжение:

Share on Facebook

Tweet

Follow us

Save