Зеленски разочаран: Губиме поради војната на Блискиот Исток

Две статии објавени оваа недела даваат проценка за изгледите на Украина во војната со Русија. Оценката на врховниот командант на украинската армија е дека бојното поле дошло до ќор-сокак и дека претстои долготрајна и исцрпувачка војна во корист на Москва. Оценката на украинскиот претседател Володимир Зеленски, исцрпена од постојаните напори да ги убеди сојузниците да ја задржат вербата, е друга, пишува CNN.

Командантот на украинската армија, генерал Валериј Залужниј, во долгиот есеј и интервју за The Economist вели: „Исто како и во Првата светска војна, достигнато е ниво на технологија, што нè става во ќор-сокак“.

„Веројатно нема да има длабок и посакуван пробив“, вели Залужниј, но наместо тоа треба да се очекува баланс на тешки загуби и уништување. Во исто време, во интервју со Сајмон Шустер од The Times, Зеленски го вели следново: „Никој не верува во нашата победа како јас“. Но, тој додава дека е потребна сета моќ на сојузниците, како и нивната енергија.
< Шустер, кој долго време има пристап до внатрешниот круг на претседателот, го прикажува Зеленски како уморен и понекогаш раздразлив и загрижен дека посветеноста на алијансата опаѓа. „Воената исцрпеност се тркала како бран. Тоа можете да го видите во Соединетите Американски Држави и во Европа“, рече Зеленски, кој е фиксиран на победата и не сака примирје или преговори. „За нас тоа би значело оставање на оваа рана отворена за идните генерации“. Пет месеци откако Украина ја започна својата долгоочекувана контраофанзива, стравувањата на Зеленски и оценката на Залужниј доаѓаат кога фокусот на светот се префрла на Блискиот Исток и ризикот војната на Израел со Хамас да се прелее во поширок регионален конфликт. Самиот Зеленски признава: „Се разбира дека губиме поради настаните на Блискиот Исток. Луѓето умираат и потребна е помош од светот за да се спасат“.

Share on Facebook

Tweet

Follow us

Save