38 НАПАДИ на американски воени бази во Ирак и Сирија: Има тешко повредени војници!

Американските воени бази во Ирак и Сирија биле погодени 38 пати од 17 октомври, соопшти денеска Пентагон.

Повеќето од нападите се извршени со ракети и беспилотни летала, а се верува дека зад нив стојат милитантни групи поврзани со Иран, изјави портпаролот на Пентагон, Патрик Рајдер, пренесе Би-би-си.

Најмалку 45 американски војници се повредени во овие напади, од кои 24 се тешко повредени, се вели во соопштението на Пентагон.

Рајдер изјави дека САД во моментов имаат четири главни цели на Блискиот Исток, кои, според него, се заштита на американските сили и граѓаните во регионот, обезбедување „витална безбедносна помош“ за одбраната на Израел од нападите на Хамас, помагање на Израел да ослободи заложници и натамошно зајакнување на позицијата на „државата моќ“ во регионот, со цел да се спречи ширењето на конфликтот надвор од Појасот Газа.

Share on Facebook

Tweet

Follow us

Save